Ni vojaĝas

Plej ofte tiu ĉi kanto sonas dumvoje al renkontiĝoj.

Am
Ni vojaĝas, ni serĉas ĝojon,
A7 Dm
malproksimo logas nin.
(Dm) Am
Longan, longan ni faris vojon,
E7 Am
ne videblas ĝia fin',
A7
fin', fin', fin'.
(2-foje)

Bonaj ŝuoj - kaj perpiede
atingeblas terpolus'.
Kiam paŝi fariĝas tede,
taŭgas samdirekta bus'… (2-foje)

Mankas tempo - do ploru mono,
radoj frapas pro enu'.
Ni veturas en vagono,
trajna bru' kaj tiel plu… (2-foje)

Urboj preter fenestroj kuras,
kantas gaja kompani'.
Vi komprenis, ke ni veturas
al tendaro tiu ĉi… (2-foje)

Ni vojaĝis, ni trovis ĝojon,
ĉar ni serĉis kun obstin'.
Kiu estis tendare fojon,
ĉiam rememoros ĝin… (2-foje)

Enmetu vian komenton. Viki-sintakso estas permesata:
Se vi ne povas legi la literojn en la bildo, elŝutu tiun dosieron .wav por aŭskulti ilin.
 
  • ni_vojagxas.txt
  • Lastaj ŝanĝoj: 04.11.2015 14:02
  • (ekstera redakto)