Repe, Ritme, Sone

MuzikoTone
Esperanta tekstoTone
Tiponova teksto

Teksto

Refreno:

Repe, Ritme, Sone / al ĉiuj mi salutas
Repe, Ritme, Sone / estu bonvenaj
Repe, Ritme, Sone / mi debutas
Repe, Ritme, Sone / estu koroj ĝuplenaj…

Estu koroj ĝuplenaj, la etoso estas unika
spirita atmosfero por la repo lirika
poezio romantika
plena de pasio
kontentigo de la sento kaj la fantazio
ni preferu nun brilecon kaj koloron
ni esprimu nun belecon kaj la gloron…
de la “ni”…
plenaj de ni mem, plenaj de energi’
plenaj de sukceso, plenaj de progreso
Venu do!
Venu repe, venu ritme, venu sone…
ĉar la vivo ne estas longa, ni profitu ĝin pli bone
Repe, ritme, sone…
ke tiu repo, en la mondo, sonu ritme, ĉie,
sonu ĉio kio taŭgas, manifestacie
dolĉe sonu, sonu laŭte, la tamburoj, la flutoj
violono kaj trompetoj sonu, al la aŭskultoj
sonu ĵazo, sonu bluso, sonu funko, sonu roko
en la moderna, en la nuntempa,
ankaŭ en estonta epoko
sonu la moneroj, sonu la tintiloj
sonu al la oreloj ankaŭ la jubiloj…
Tra jarmiloj…
sonu ĝemoj, sonu krioj de la plej pura ĝojo
en la domo, en fabriko, sur la strato, sur la vojo
ankaŭ sonu aervibroj
elegante la kolibroj
sonu voĉo de l’ naturo
de la maro, la murmuro
nia kanto en la mondo, sonu belefekte
sonu daŭre, sonu intense, plejperfekte
sonu ĉarme, forte, efike,
sonu agrable la pardonpetoj
sonu juste, firmdecide, sonu en ĉiuj societoj
niaj deziroj, voloj, sonu impone…
plenumiĝu niaj revoj, ja komplete, ne duone…
Repe, ritme, sone…

Refreno

Venu repe, ritme, sone, kante
Repe, ritme, soni konstante.
Jes! Venu! Repe, ritme, sone…
Repe, ritme, sone ni konta
Ni infektu la mensojn per la sono la plej bona.
Senĉesa guto eĉŝtonon traboras
Nia sono ĉiopovas, nia sono furoras
Sonu plue, flue
Sen kielo, kialo
Senintence, potence
Sen prokrasto, sen hasto.
Hiphopo senbara.
Magie forte inspirita, potenca, sorĉa kaj rara…
Ni ricevu la agrablon kaj la ruĝon de l’ plezur’…
Kaj..
Silentu en nia kor’, ĉiu bru’, ĉiu susur’.
Kaj regu nur…
Feliĉo necesa!!! Entuziasmo agresa!!!
Venu jes, venu kolose, venu, venu mojose,
Venu jes, venu majeste, venu, venu feste..
Kaj ni festu!… Kaj ni festu!…

Ni festu tiumomenton!
Repe, Ritme, Sone!
La deziron kaj kontenton! Repe, Ritme, Sone!
Ni ĝuu tiun muzikon! Repe, Ritme, Sone!
Ĝian dolĉon kaj efikon! Repe, Ritme, Sone!

Repe, ritme, sone tra la tempoj, tra l’ eterno
Ke Ni estu de la vivo ĉiam centro, ĉiam kerno
Vole ne vole, forte, rigore, radiu ĉiam nia brilo!
Eĉ iele-trapele, ribele, feliĉo estu nia akiro!
Firmdecide nian spacon ni konkeru ĉampione
Ĉu per mildo, delikate, se necese eĉ sprone…
Repe, ritme, sone…

Refreno:

Repe, Ritme, Sone / al ĉiuj mi salutas
Repe, Ritme, Sone / estu bonvenaj
Repe, Ritme, Sone / mi debutas
Repe, Ritme, Sone / estu koroj ĝuplenaj…

Eksteraj ligoj

Se vi ensalutus, vi povus komenti.
  • repe_ritme_sone.txt
  • Lastaj ŝanĝoj: 13.03.2019 13:26
  • de elrostelperien