Sopiro al la patruja printempo

MuzikoE. Windeballe
Esperanta tekstoKarl Vanselow
Tiponova teksto

En mia patrujo nuntempe alvenas
printempo kun revoj kaj ravoj mil.
Nenie la suno pli lume serenas
aŭ sonas pli ĝoje la birda tril'.

Ĉu ĉarmas knabinoj pli ride kaj flore
ol en la patrujo fore de mi?
Kaj tie la steloj splendadas pli ore,
mirinde pli bele ol tie ĉi.

  • sopiro_al_la_patruja_pintempo.txt
  • Lastaj ŝanĝoj: 04.11.2015 14:02
  • (ekstera redakto)