Sur la strato

TekstoJános BRÓDY
MuzikoLevente SZÖRÉNYI

Hungara popkanto, tradukita kaj prezentita okaze de la 1-a Esperanta Popkanto-Festivalo en 1967 en Budapeŝto.
Origina titolo: “Az utcán”. Origina kantisto: grupo Illés.

Teksto

Ofte triste sen humoro,
Stratojn iras mi en solo,
Mi nenion fari emas,
Sentas tamen, ke mi retenas min!

Diru do, kien, do kien, do kien,
do kien iri, kien, do kien,
do kien iri, kien, do kien,
do kien iru mi!

Haltas mi ĉe stratangulo,
Kien plu, sur kiu vojo,
Mi ekiras, kelkajn paŝas,
Ah, sed kial tien iru mi?

Diru do, kien, do kien, do kien,
do kien iri, kien, do kien,
do kien iri, kien, do kien,
do kien iru mi!

(Kaj) apogante lampkolonon,
Mi observadas la homojn,
Pro la lac' indiferentajn,
Sur la strato rapidantajn plu.

Diru do, kien, do kien, do kien,
do kien iri, kien, do kien,
do kien iri, kien, do kien,
do kien iru mi!

Iuj gape min rigardas,
Bela ulo - min komentas,
Ili povus surkapiĝi,
Tamen min ne interesi, ne!

Diru do, kien, do kien, do kien,
do kien iri, kien, do kien,
do kien iri, kien, do kien,
do kien iru mi!

Jen nun penso al mi venas,
Eble vi nun min atendas.
Vidu, plu mi ne hezitas,
kuras mi ĝis mi atingas vin!

Kaj mi jam scias, jam scias,
jam scias plu kien iri.
Scias, jam scias, jam scias, nur vin atingi,
scias, jam scias, jam scias, nur vin atingi.
QR-Kodo
QR-Kodo Sur la strato (generita por kuranta pagxo)
Amikaro

http://www.ikso.net