Brutoj vagas kaj sonoriloj
Tintas bele ĉe Roine strand'.
Cigno flugas per blankflugiloj,
Flugas alten al nuborand'.
Vent' printempa, dum mola vag',
Flustras amon al blua lag'.

Rekantaĵo:

Kaj mi kantas kun korsopiro;
Kantas sola ĉe Roine strand'.

Granda arb' estas mia patro
Kaj patrino: somernubet'.
Spiko nur estas mia frato
Kaj neĝero: la fratinet'.
Vivas mi en printempa hor',
Floras frue, sed velkas for.

Rekantaĵo

Se la suno belega spertus,
Pri turmento de mia kor';
Ĝi la orajn radiojn perdus,
Kaj en nokton paliĝus for.
Mi la nomon de la amant',
Dolĉe flustras en mia kant'.

Rekantaĵo