El Aldono al “Tra la mondo II”

Iam kiel infaneto
ravis min la rakoneto
pri la tervizit' anĝela
el la ĝojo superstela.
Kie koro turmentita
ĝemas tute mond' kaŝita
kie ŝajnas sensangiĝi
kor' kaj kun plorad' perdiĝi;
kie savon, savon nur kor'
petegas el terur';
tien venas la anĝel',
levas ĝin al la ĉiel'
Estis ankaŭ min anĝel' serĉanta!
Flugas per flugil' lumanta
malproksimen de l' dolor'
nun ĉielen mia kor'.