En la „Baleno” de Askalon' tri tagojn trinkis hom',
/: Ĝis kiam apud tablo li kuŝadis en la dom’. :/

En la „Baleno” de Askalon' la mastro kriis: „Pro Di’!
/: Li trinkas pli da Baktra brand', ol povas pagi li;” :/

En la „Baleno” de Askalon' jen estis al trinkul'
/: En kojnskrib' sur ses brikoj nun donata la kalkul’. :/

En la „Baleno” de Askalon' la gasto diris: „Ve!
/: La monon mi elspezis en gastej' de Ninive’!” :/

En la „Baleno” de Askalon', jen je la kvara hor'
/: Servisto el Nubio lin el domo ĵetis for. :/

En la „Baleno” de Askalon' estimon trovas gast',
/: Nur se li la fakturon jen tuj pagas sen prokrast'. :/