Onde fluas, gaje bruas
la Danub' river'
kaj “Radecki” sur la ondoj
naĝas kun fier'.

Jen bulgaraj ribeluloj
kun junula brul',
sur la frunt' leoninsignoj,
flamo en okul'.

Botev mem fiere staras
kun ponard' en man'
kaj ordone li parolas
al la kapitan':

Estas ni taĉment' bulgara,
vojevodo — mi —
ni ekiris por libero
lukti tie ĉi.

Al la kara Bulgario
iras ni al mort' —
por ĝin savi el sklaveco,
premo kaj perfort'!