Kantas Kajto, teksto kaj muziko de Nanne KALMA

En la parko estas domo <BR>
Kun ornamita fasado <BR>
Malfermitaj fenestroj <BR>
Kaj malfermetita la pord' <BR>
Hodiaŭ ĉi tiu domo estas loko de celebrado <BR>
Okaze de unuiĝo, harmonio kaj konkordo <BR>
Tra fenestroj eksteren fluas sonoj agrablaj <BR>
Aŭdeblaj en la parko ĝis en ĉiu angul' <BR>
La miksado de kantado, muzik' kaj ridado <BR>
Ŝajnas inviton por ĉiu malprosperulo <BR>

Tiel, ĉe la krado, ĉirkaŭ la ĝardeno <BR>
Kolektiĝas amaso. Kaj ĉiu person' <BR>
Esperas, sopirante al la varmo de la kameno <BR>
Ke li recevos inviton por eniri la domon <BR>
Sed ĉeesti la festenon, partopreni en la festado <BR>
Estas permesite nur al unuopul' <BR>
La aliaj postrestas kaj la orgia bruado <BR>
Torturas la kron de ĉiu malprosperulo <BR>

Ekstravagance, ĉiu sin vestu <BR>
Ni ĝoju, ni dancu, abunde ni festu <BR>
Ni frandu, ni manĝu, ni gustumu, ni trinku <BR>
Ni forgesu nin mem, ni manĝaĉu, ni drinku <BR>
Hodiaŭ ne zorgu pri postlasita fatraso <BR>
Ni kondutu ekscentre, ŝajne freneze <BR>
Ni nin dediĉu al la polonezo <BR>