Kiu en arbaro
frapas frapu-frap —
frapu-frapu-frap-frap,
frapu-frapu-frap?

Kiu tutan jaron
batas batu-bat —
batu-batu-bat-bat,
batu-batu-bat?

Jen sinjoro Pego
pinon prikuracas —
de sub ŝel' noculojn
serĉas plu senlaca!

Ĝi ja en arbaro
frapas frapu-frap —
frapu-frapu-frap-frap,
frapu-frapu-frap!

Ĝi ja tutan jaron
batas batu-bat —
batu-batu-bat-bat,
batu-batu-bat!

Pinoj, kverkoj kreskos —
frapu-frapu-frap,
novaj domoj estos —
batu-batu-bat!

Kreskos pinoj, kverkoj —
frapu-frapu-frap,
estos novaj mebloj —
batu-batubat!

Ĉar sinjoro Pego
arbojn prikuracas —
de sub ŝel' noculojn
serĉas plu senlaca!

Arboj sane kreskos —
frapu-frapu-frap,
domoj belaj estos —
batu-batu-bat!

Kreskos sanaj arboj —
frapu-frapu-frap,
brilos benkoj, tabloj —
batu-batu-bat!