Ni kompatu nin

Teksto

Sur ĉevalo nigra
rajdas mia sento.
Sur ĉevalo blanka
ĝi flugu en la vento.

Nigras homaj horoj.
Mornas la futuro.
Vundita estas tero.
Ploras la naturo.

For ekspluatado.
Venu nova tempo.
Nepras solidaro
forĝita en silento,

Semo el respekto
elkore gvidu nin,
sur ĉevalo blanka,
rajdante pli kaj pli

Bonon celu ni.
Bestojn ni respektu.
Ni kompatu nin
nenion ni difektu.
Ne plu nian vivon
regu la mizer’.
Kresku niakore
nur amo kaj liber’.