Matena ruĝo

MuzikoOtto W. DE NOBEL
Esperanta tekstoB. RIJPSTRA
Tipotraduko / adapto / nova teksto
Originala tekstoD. TROELSTRA

Sankta ruĝ, matena ardo
Ĉiam donis tagon vi!
Ho, radiu, vivofonto,
Tra la granda nokt' al ni.
Donu via bril' esperon
Al luktantoj en mallum',
Kaj kuraĝon, por la celo,
/: Ĝis alridas tagolum'! :/

Sankta ruĝ', dum penluktado
Kiom ni sopiris vin,
En la korpremantaj noktoj
Kun esper' pri sava fin'.
Vent' matena jam susuras,
Jen ruĝiĝas la nubar'!
Baldaŭ suna lumo brilos,
/: Por la tuta popolar'!:/

  • matena_rugxo.txt
  • Lastaj ŝanĝoj: 04.11.2015 14:01
  • (ekstera redakto)