Skajpu baldaŭ

Esperanta tekstoRogier Huurman
Esperanta plenumoLa VIPoj
Tipoadapto
Originala plenumoCarly Rae Jepsen

Origina titolo de la kanto: “Call Me Maybe”, kanto de Carly Rae Jepsen de 2011.

La VIPoj prezentis tiun kanton dum la internacia vespero de la Internacia Junulara Kongreso 2016 en Wrocław.

Teksto

Mi venis al kongresej'
en la lando de PEJ,
atendis ĉe akceptej'
kaj tie staris vi.

La interkona vesper'
kaj KLF ĉe river',
ĝi iĝis bela afer',
ĉar ankaŭ estis vi.

Vizaĝo bela
Danco, movad' anĝela
Granda ridet' ĉiela
Sed vi loĝas malproksime!

Hej, ni koniĝis
ĵus hieraŭ
Jen mia konto
Ni skajpu baldaŭ
Eĉ se mi konas
vin apenaŭ
Jen mia konto
Do skajpu baldaŭ

Mateno kun komitat'
Mi sentas min en komat'
Vekiĝas nur pro malsat'
kaj nun tre mankas vi.

Kara pro via kares'
la junulara kongres'
iĝas grandega sukces'
ĉar en ĝi estas vi.

Vizaĝo bela
Danco, movad' anĝela
Granda ridet' ĉiela
Sed vi loĝas malproksime!

Hej, ni koniĝis
ĵus hieraŭ
Jen mia konto
Ni skajpu baldaŭ
Eĉ se mi konas
vin apenaŭ
Jen mia konto
Do skajpu baldaŭ

Mi ensalutas sed vi ne estas en reto.
Estu en reto, estu en re-eto
Mi ensalutas sed vi ne estas en reto.
Estu en reto, estu en re-eto

Nun via nomo
aperas ankaŭ.
Do tuj alvoku
Ni skajpu baldaŭ

Hej, ni koniĝis
ĵus hieraŭ
Jen mia konto
Ni skajpu baldaŭ
Eĉ se mi konas
vin apenaŭ
Jen mia konto
Do skajpu baldaŭ

QR-Kodo
QR-Kodo Skajpu baldaŭ (generita por kuranta pagxo)
Amikaro

http://www.ikso.net