Dolĉa odoro leviĝas el la floroj,
milde la nokto klinas sin al la ter'.
Nur per plej brilaj lumoj kaj koloroj
alpoj-pintoj sin ornamas je l' vesper'.

Rekantaĵo:
Kara Svisujo, mia hejmland'!
Ĉiam ankaŭ en malproksimo
vin gloras mia kant'.

Gaje promenu kun manoj interplektitaj;
dolĉe aŭdiĝu kelka frata vort'.
Kantoj eksonu! Ĉarme reĵetitaj
ili tuj revenos de la laga bord'.

Rekantaĵo

Hela la luno jam tie supreniras,
venas al ni arĝenta ĝia bril'.
Aŭdu — de l' monto kornosonoj tiras
nin al hejmo, al ripozo en trankvil'.

Rekantaĵo