Aŭtuna vent', kaj mar-odor'
Oranĝa suk', kolor' de or'
Acida dolĉa pluvveter'
El dom' eltiras al ekster'
Krepuskas ruĝe la vesper'
Enspir' profunda de aer'
Iradi kaj enspiri plu
La sun' subiras al la blu'

Refreno:

Ekstaru kaj enspiru, hom'
La pluv' jam ĉesis, bonarom'.
Rigardu preter tiu ond'
Belegas tiom nia mond'.
Rigardu preter tiu ond'
Belegas tiom nia mond'.

Lanternoj verŝas per sitel'
Malfortan lumon de miel'
Kaj io stranga jen sen bru'
Silente premas sur la brust',
Postulas, ŝiras, tiras for
Ekterni volas plu la kor'
Postulas, ŝiras, tiras for
Ekterni volas plu la kor'

Refreno

Decembro, frida, venta blov'
Odor' de freŝa pom' kaj pluv'
Vi donas iom da esper'
Al la viktimoj de somer'
Revenas dank' al vi la viv'
Al Tel Aviv', al Tel Aviv'
Revenas dank' al vi la viv'
Al Tel Aviv', al Tel Aviv'

Refreno