Nu mi vojaĝis tra la mondo dufoje aŭ eĉ pli.
En ĉiu fora lando la pejzaĝon ĝuis mi.
Sed se amik' demandos “Kie estas Utopi'?”,
Respondos mi sen paŭz'.

Refreno

Min plaĉas eŭkaliptoloko,
Kun frukto bosko,
Kun ŝaf' aŭ du, kaj kanguru',
Verand' ĉe l'domofront',
Sennuba horizont',
kaj malnova luloseĝ'.

Ĉi tie estas ĉiovendejo en preskaŭ ĉiu strat',
Grandega industrio kun moderna aparat';
Sed morgaŭ mi tiaĵojn interŝanĝus sen debat'
Por ridobirda¹⁾ vok'.

Nu, iuj vivas ĉirkaŭitaj de alta palisar',
Aŭ loĝas sub la grundo, aŭ proksime al la mar',
Sed mi preferas domon en la Aŭstrali-arbar',
Kun melopepobed'.