Fratoj, manon donu kore,
Kaj senzorge, sendolore
Belan horon festu ni!
Ĉion teran forĵetante,
Daŭru forte kaj konstante
/:Nia bela harmoni'!:/

Al la Dio kantu gloron:
La spiriton kaj la koron
Kial donis la ĉiel'?
Serĉi lumon per vereco,
Serĉi virton per justeco
/:Estu nia sankta cel'!:/

Homoj en la oriento,
Homoj en la okcidento,
En la sud' kaj en la nord'!
Alte teni homan nomon
Kore ami ĉiun homon
/:Estu nia liga vort'!:/