La krokodil' irante al milito
Al la idar' adiaŭ diris ĵus.
Foriris ĝi muĝante kun ekscito,
Pri elefanto pensis ĝi kun ruz'.

Rekantaĵo:

Se la kro-kro, kro-la-kro-kro,
Kro-la-krokodilo
Malaperis for en Nil' -
Ni ne parolu plu.
O-e-o o-e-o-e-o o o o

Murmuris ĝi militan marŝon glute,
Inter la dentoj vortoj restis for.
Kiam la faŭkon ĝi malfermis tute
La malamikoj tremis en la kor'.

Rekantaĵo

Ĉe Nilo-bordo zumas ĝia kanto
Kaj ĉio tremas ĉe la bord de Nil'.
Kaj jen - subite venis elefanto
Kaj malaperis brava krokodil'!

La krokodil' irante al kongreso
Al la idar' konsilojn diris ĵus.
Foriris ĝi muĝante kun ekscito,
Pri elefanto pensis ĝi kun ĝoj'.

Rekantaĵo:

Se la kro-kro-kro, la-kro-kro-kro,
la krokodilo
Malaperis for en Nil'
Ni ne parolu plu.
O-e-o o-e-o-e-o o o o

Murmuris ĝi la Esperantan himnon,
Inter la dentoj vortoj ŝvebis for.
Kiam la faŭkon ĝi malfermis tute
La infanar' kunkantis en akord'.

Rekantaĵo

Ĉe Nilo-bordo zumas ĝia kanto
Kaj ĉiuj vigle akompanas ĝin.
Kaj jen - subite venis elefanto
Kaj malaperis ĝia gramatik'!