La mielon kaj pikilon
Kun dolĉec' kaj kun amar',
Gardu Di' filinon, filon,
Per la bona far'!

Gardu nian varman domon
Kun la pura akvo Di';
Ĉiun revenantan homon
En lontan medi'!

Refreno:

Super tio, super ĉio,
Gardu nin el la ĉiel',
gardu, nia bona Dio
La amaron kun miel'.

Volu ne elradikigi
La plantitan kun esper';
Lasu nin al hejm' navigi,
Al la bona nia ter'.

Gardu Dio hejman limon
Kun ĝarden' kaj citadel',
Por eviti triston, timon
De milit-kruel'.

Gardu pokon de posedo,
Bebojn - lumon da mil-Volt',
Fruktojn sur la arb', sur bedo
Kaj de post rikolt'.

Refreno

Susuradas arb' pro ventoj,
Falas el alteco stel';
Kordezirojn de la sentoj
Fiksas nun Ĉiel'.

Volu, Dio, gardi senton
De amato kaj amant';
Kun la ploro, la silenton,
Kun ĉi tiu kant' .'

Refreno