Denove estas sola mi.
Vizitas min malĝojo.
Mi serĉas vin, mi serĉas vin,
sed longa estas vojo.

Denove aŭdas kanton mi
Sed vortojn ne komprenas
Mi sonĝis vin, mi sonĝis vin,
Sed jam mateno venas

Refreno:

Jam pluvas en la mond' sen fin'
Kaj vintro baldaŭ venos.
Atendas vin, atendas vin.
Mi ĉiam vin atendas.
Atendas vin, atendas vin.
Mi ĉiam, ĉiam, ĉiam vin atendas.

Denove pasis la somer'
Estiĝis mi pli aĝa.
Mi kun esper', mi kun esper',
mi kun esper' vojaĝas.

Refreno:

Jam pluvas en la mond' sen fin'
Kaj vintro baldaŭ venos.
Atendas vin, atendas vin.
Mi ĉiam vin atendas.
Atendas vin, atendas vin.
Mi ĉiam, ĉiam, ĉiam vin atendas.