Uzantaj iloj

Retejaj iloj


la_bovpelistoj

La bovpelistoj

Muzikoaŭstralia popolkanto
MIDIla_bovpelistoj.mid

Noto: La bovaĵindustrio estis grava parto de la aŭstralia ekonomio. Post 1879 fridigita viando estis eksportita al Anglujo kaj Usono.

Teksto

Tra l' vasteco de Kvinsland'
Ni bovamason pelas,
Kaj al aŭ paŝtej' aŭ vendokamp'
Ni laŭ ordono celas.

Refreno:

Jen botelo da vin'
Do drinku sen hezito,
Kaj tostu je la san'
De ĉiu bovpelisto.

Refreno

Laŭ la polva vojo ni
Virinon ne renkontas.
Sed la forta pluvo aŭ sekeg'
Ĉiame nin alfrontas.

Refreno

La infanoj sur la voj'
Mokkrias kun persisto,
“Panjo, kaŝu la vestaĵojn ĉar
Alvenas bovpelisto.”

Refreno

Iras ni al urbtrinkej'
Post pago por laboro.
Kaj pli malgrandiĝas jara ĉek'
Dum ĉiu gaja horo.

Refreno

Sur fidela rajdĉeval'
Mi baldaŭ hejmeniros,
Kaj sur fora Maranoa bord'
Laboron plu akiros.

la_bovpelistoj.txt · Lastaj ŝanĝoj: 21.12.2023 09:34 (ekstera redakto)