Ni lunde matene
falĉis fojnon pene;
/: Falĉis patro, falĉis mi,
falĉis ambaŭ kune ni. :/

Kaj marde matene
ĝin sekigis pene;
/: iom patro, iom mi,
ĝin sekigis ambaŭ ni. :/

Merkrede matene
rastis ĝin senĝene.
/: Rastis patro, rastis mi,
rastis ambaŭ kune ni. :/

Kaj ĵaŭde matene
enhejmigis pene;
/: Prenis patro, prenis mi,
prenis ambaŭ kune ni. :/

Vendrede matene
vendis ĝin senpene;
/: Vendis patro, vendis mi,
vendis ambaŭ kune ni. :/

Sabate matene
drinkis ni festene;
/: drinkis patro, drinkis mi,
drinkis ambaŭ kune ni, :/

Dimanĉe matene
en fojnej' malplene:
/: ploris patro, ploris mi,
ploris ambaŭ kune ni. :/