Kanto aperinta en 1990, kantita ankaŭ de Laura Pausini en ŝia disko Io canto (hispana versio: “Yo canto”).

Skribu al mi,
Kiam la vento senvestigos l' arbojn,
Ĉiu alia iris al kinej',
Sed vi volas resti sola,
Ne aparte parolema, tiam…
Skribu al mi
Kaj via fragileco malpliiĝos iom,
Kiam en la homoj ĉirkaŭ vi
Vi nur trovos nezorgemon,
Ja forgesu min, forgesu min neniam…

Kaj se aparta io por diri vi opinios, ke ne estas,
Tute ne maltrankviliĝu:
Ĉiam mi vin komprenos.
Pli ol sufiĉas la certeco,
Ke vi pensas min minuton,
Ĉar mi povas kontentiĝi eĉ per nur unu saluto.
Malmulto nepras
Por nin senti pli proksimaj.

Skribu al mi,
Kiam la ĉielo ŝajnos klara pli ol iam,
Plilongiĝos eĉ la tagoj jam,
Sed ne atendu la vesperon:
Se vi emas kanti laŭte, tiam
Skribu al mi…
Se vi foje kredos tion, ke vi jam enamiĝis…
Min forgesu, min forgesu vi neniam

Kaj se vi ne scias, kion diri,
Taŭgajn vortojn vi ne trovas,
Vi ne devas malkvietiĝi:
Ĉiam mi vin komprenas.
Pli ol sufiĉas la certeco,
Ke vi pensas min minuton,
Ĉar mi povas kontentiĝi eĉ per nur unu saluto.
Malmulto nepras
Por nin senti pli proksimaj

Skribu al mi…
Se vi foje kredos tion, ke vi jam enamiĝis…
Vi skribu al mi