Ukraina ŝerca popolkanto, surloke prezentita (kaj tre populara) dum IJS en Esztergom en 2001.

Parolis iu fraŭlo, ke li por sia plaĉ'
bezonas junulinon - kaj kukon kun fromaĝ' .

Oj, ĉu vi, ĉu vi aŭdis, ke li por sia plaĉ'
bezonas junulinon, kaj kukon kun fromaĝ' !

Invitis lin knabino - en tre konvena aĝ'
Lin kisis kaj regalis per kukoj kun fromaĝ' !

Oj, ĉu vi, ĉu vi aŭdis, en tre konvena aĝ'
Lin kisis kaj regalis per kukoj kun fromaĝ' !

Subite malamikoj de tiu ĉi vilaĝ'
Forrabis la knabinon kaj l' kukojn kun fromaĝ'

Oj, ĉu vi, ĉu vi aŭdis, pri tiu domaĝ'
Forrabis la knabinon kaj l' kukojn kun fromaĝ'

Kaj krias nia fraŭlo, en plena malkuraĝ' !
Oj, savu vilaĝanoj, la kukojn kun fromaĝ' !

Oj, ĉu vi, ĉu vi aŭdis, en plena malkuraĝ' !
Oj, savu vilaĝanoj, la kukojn kun fromaĝ' !

Oj, ĉu vi, ĉu vi aŭdas - en tre konvena aĝ'
Neniam ŝanĝu amon - al kukoj kun fromaĝ' !

-ls-