Novjara, populara infana rusa kanto “В лесу родилась ёлочка” (simile al “Jungle Bens” en anglolandoj).
Vd. ankaŭ tradukon de Tatjana AUDERSKAJA
Tradukita estas ne tuta kanto.

Naskiĝis ie en arbar'
Kaj kreskis abiet'
Kaj verdis dum la tuta jar'
La svelta siluet'.

Al ĝi lulkantis neĝa vent':
“Ekdormu vi, abi'!”
Neĝvestis Gelo por defend':
“Neniam frostu vi!”

Leporo eta pro la tim'
Kaŝiĝis sub abi'.
Malica lupo en proksim'
Kuretis preter ĝi.